Ang Dungeons & Dragons team at ang Team X sa Wizards of the Coast ay pormal nang sasama sa Wizards of the Coast-CWA union. Ito ay pagpapalawak ng organizing drive na nagsimula sa Magic: The Gathering Arena team. Ayon sa ulat ng IGN, hinihimok ng union ang pamunuan ng Hasbro at Wizards na itigil ang pagpo-promote ng generative AI at magpatupad ng isang enforceable policy laban dito.
Batay sa impormasyon mula sa IGN, ang Team X ay nakatuon sa paggawa ng Magic: The Gathering at Duel Masters. Nakatakda ang expansion na ito sa Oktubre 8, at binigyan ng union ang kumpanya hanggang Oktubre 13 para boluntaryong kilalanin ang pinalaking unit. Matatandaang nag-unionize ang Arena team noong Abril at kalaunan ay nanalo sa kanilang eleksyon, bagaman hindi sila boluntaryong kinilala ng Wizards noon.
Kabilang din sa mga hiling ng union ang buong pagmamay-ari ng mga empleyado sa kanilang mga creative work na ginagawa sa labas ng trabaho. Kung hindi boluntaryong kikilalanin ng Hasbro ang pinalawak na unit, kakailanganin ng union na maghain ng petisyon sa National Labor Relations Board at manalo sa panibagong eleksyon, ayon sa ulat ng IGN. Ang sigalot na ito ay dagdag sa lumalaking debate tungkol sa paggawa sa industriya ng gaming, kabilang ang kamakailang mga worker protection at aktibidad ng union, habang nananatiling sentro ng mas malawak na disakusyon sa generative AI sa game development ang usapin ng human authorship.
