30 ang namatay sa Guinea dahil sa landfill landslide
Malakas na ulan ang nagdulot ng pagbagsak na naglubog sa ilang bahay sa ilalim ng isang bunton ng basura.
Isang trahedya ang tumama sa lugar ng Dar-es-Salam sa Guinea, Africa, dahil sa malakas na pag-ulan, nagkaroon ng landslide sa isang landfill site sa kabisera ng bansa na Conakry.
Ayon sa Sky News, naganap ang pagbagsak bandang alas-2 ng madaling araw lokal na oras, kung saan ang malakas na ulan ay nagdulot ng landslide sa isang kalapit na lugar ng basura na naglibing ng ilang mga bahay, sumira ng mga barung-barong at imprastraktura, at kumitil ng buhay ng 30 katao, habang may karagdagang 22 na nasugatan na naiulat hanggang ngayon.
Sinasabing isinasagawa na ngayon ang search and rescue effort upang hanapin ang mga nakaligtas sa gitna ng landslide.
Binanggit din sa ulat na inaasahang isasara ang landfill sa Linggo dahil nagdudulot ito ng panganib sa mga kalapit na residente, lalo na sa panahon ng tag-ulan. Ang plano ay ilipat ang basura palayo sa kabisera, kung saan maraming lokal ang binigyan ng eviction notice bilang bahagi ng prosesong ito.
